Zeintzuk dira hiri hezitzaile eta abegitsu eraikitzeko gakoak?

Azalpena

Loturak Eskola 2019an udalerri honetan egindako Loturak Getxo proiektuaren adarretakoa da. Partaidetzazko proiektuak Getxoko herritarrek hausnartzeko prozesua garatzea du helburu, kulturarteko gaur egungo politikak gainditzen dituen eta herritarren sentsibilizaziorako eta abegiaren sustapenerako prozesuak zein baliabideak gaitzen dituen “hiri abegitsuaren” giltzarriak zehazteko asmoz.

Loturak Eskolak eskuratutako jakintza kapitalizatzen du, eta orain arte egindako lanean sakondu nahi du, hausnarketarako eta ikaskuntzarako partaidetzazko gune berria eratzeko eta Getxoko 4 institutuetako hezkuntzako giza taldea inplikatzeko.

Proiektuak honako hauexen laguntza jasotzen du: Getxoko Gizarte Kohesiorako Saila, elkarteak, hezkuntza-zentroak, ikasleak, irakasleak eta Loturakekin konpromisoa duten pertsonak, programaren ezarpena eta etorkizuneko jasangarritasuna sustatzeko boluntario moduan parte hartuko dutenak.

Helburuak

Udalerriko hezkuntza-erkidegoari begira hiri abegitsua den Getxoko sentsibilizazio-prozesuaren zeharkakotasuna sustatzea, aurrez aurreko gune eta gune digital berrien sorreraren bidez, pertsonen gaitasunak sustatzeko eta “hiri abegitsu eta hezitzailearen” berezko mezuak igortzen dituzten narrazio digital barneratzaileak batera sortzeko eta zabaltzeko.

Aurreikusitako emaitzak

1. Sentsibilizatutako eta prestatutako 100etik behera gazte getxotarreko taldea, kulturarteko narrazio digitalak batera sortzeko eta zabaltzeko.
2. Hiri abegitsu eta hezitzailea den Getxoko kontakizuna, proiektuaren webgunearen bitartez eta sare sozialetan zabaldutako tailerretan parte hartu duten ikasleek sortutako zenbait formatutako kulturarteko 100etik gora kontakizun eta narrazio digitalen bidez aberastutakoa.

Metodologia

Prozesua jakintzarako, prestakuntzarako eta alfabetizazio mediatiko zein digitalerako tailerretan dago oinarrituta. Bertan, elkarrizketaren, hausnarketaren eta prestakuntzaren bitartez, parte-hartzaileek jabekuntza lortzen dute, kulturarteko narrazioak batera sortzeko eta zabaltzeko. Horretarako, zenbait metodologia, tresna eta teknologia erabiltzen dira, baita biztanle gazteen partaidetza sustatzen duten dinamika ludikoak ere (gymkanak).

Prozesu honek ikasleen digitaltasun-maila areagotzen laguntzen du, ikaskuntza barruratu dezaten eta sortzen eta zabaltzen doazen narrazioen bidez azaleratu dezaten. Horrela, kulturarteko azalerapena eta ikaskuntza sortzen dira alfabetatze-prozesuan bertan, eta, horrez gain, mezuen zein narrazioen zabalkundea sustatzen da mezuak beste ikasle batzuengana eta udalerriko hezkuntza-esparru bateratu osora eramateko gaitasun handia daukan.

Informazio guztia: http://www.loturakmundua.org/loturak-eskola/

Emaila: maria@moviltik.org

Harremanetarako telefonoa: 688897661