Gasteizko Udalak Jabetze feministarako Eskola du, eta horren barruan Herri Handi zikloa dago martxan, herri handiak infernu txiki batentzat antolatutako hitzaldi sorta. Gaur, 19: 00etan, Bruna Stamato historialaria, komunikatzaile soziala eta argazkilaria, aktibista afrofeminista eta TeMA (Emakume Afrolatinoamerikarren tertulia Buenos Airesen, Argentina) talde feministako kidea izango dira hizlari.
Bigarren urtez jarraian, zurrumurruen aurkako Gasteizko Eragileen Sarea osatzen duten pertsonak bildu dira 2020. urtean egindako urratsaz hausnartzeko, 2021rako estrategia eratzeko eta sarea osatzen duten pertsona guztien inplikazioa eta lana aitortzeko. Topaketa urtarrilaren 30ean egin zen Europa Jauregian eta Ixiar Garcia artista eta kultur bitartekariak dinamizatu zuen. Bideo honetan laburpen bat ikus dezakezu!
Joan den asteartean, otsailaren 23an, Aniztasunaren Eskolaren IV. edizioaren azken mintegia egin zen Barakaldon, Mamadou Ngom luxuzko gonbidatuarekin
Ngom Médicos del Mund erakundeko kulturarteko bitartekaria da, eta harekin batera, kulturarteko eta arrazakeriaren aurkako ikuspegia duten praktika komunitario onetan sakondu eta ikasi ahal izan genuen. Susana Arrizabalaga gizarte-hezitzaile eta Barakaldoko Udaleko Denbora Bankuko kudeatzaileak aurkeztu zuen saioa, eta udal-proiektu horren esperientzia partekatu zuen. Proiektu horrek 7 urte daramatza elkarri laguntzeko eta zaintzeko kulturarteko sareak ehuntzen.
ZAS! sarearen lana Euskadi osotik hedatzen da, eta gaurkoan Bizkaiara goaz, zehazki Getxoko udalerrira. Bertatik bidali digute AMEKADI-ko lagunek egin duten bideoa, non Getxoko Zurrumurruen Aurkako Estrategia azaltzen den. Zeintzuk dira bertako ZAS agenteak? Ze ekarpen egiten dio estrategia horrek Getxori? Noiztik baina? Honi guztiari erantzuna ematen dio bideoak, sireno eta guzti! 🧜♂️
Ion Gambra, Giza Eskubideetako eta Kultura Demokratikoko foru zuzendariak komunikazio kanpainia eta zurrumurruen aurkako estrategia aurkeztu du Diputazioan Xabier Aierdi eta Andrea Ruíz-ekin batera. Elkarrekin Diputazioaren babesarekin egiten dugun lana eta estaretgia azaldu dute.
Urtero bezala, Basauriko zurrumurruen aurkako agenteen topaketa izan da udalherrian. Oraingoan, bertan emandako ikasketak modu original batekin bildu dira abesti batean.
Etzazu bideoa galdu!
“Neure kulturarteko uriaz harro” leloarekin, Bilboko Udalak migratzaileak protagonista duen kanpaina zabaldu zuen 18an, Europako Kontseiluaren proposamena aurrera eramanda, Pertsona Migratzaileen Nazioarteko Eguna ospatzeko. Honekin batera, Udalak BOSA hezkuntza programa garatu du, eta Zurrumurruen Aurkako agenteen urteroko topaketa antolatu du.
Arabako Foru Aldundiak hainbat ekintza desberdin bultzatu ditu Abenduak 18an, Pertsona Migratzaileen Nazioarteko eguna ospatzeko. Laudion Migratzaileen Legearen inguruko hitzaldi bat antolatu zen CEAR Euskadiren eskutik, eta Agurainen antzezlan batekin eta laburmetrai batekin ospatu zuten.
#MamidunOgia kanpaina hasi dugu. Badakizu zeintzuk diren #ZumurruenAurkakoOgia ren osagaiak? Gustatuko litzaizuke “gorrotoaren birusetik” babestea? Egin zaitez zure #MamidunOgiarenOihalPoltsa rekin, pasa zaitez Zabala Okindegitik eta La Oka okindegitik #Oionen eta Torres okindegian eta Mateo okindegian #Biasterin.
Abenduak 18ean, Pertsona Migratzaileen Nazioarteko Egunean, ZAS!-etik lurralde osoan zehar dauden ekintzetan parte hartzeko deialdia zabaltzen dugu. Honekin batera, Administrazio Publikoei, Herritarrei eta Hedabideei eskakizun batzuk zabaltzen ditugu herritartasun kritiko bat sustatzeko, eta kultur aniztasuna balioan jartzeko.